ኢትዮጵያ ላይ ጫና ለማሳደር ከግብጽ ጥፍጥፍ ወርቆችን የተቀበሉት አሜሪካዊ ሴናተር  ተፈረደባቸው

ኢትዮጵያ ላይ ጫና ለእንዲደረግ ከግብፅ መንግሥት ጥፍጥፍ ወርቆች፣ ጥሬ ገንዘብ እና መርሴዲስ ቤንዝ መኪና የተቀበሉት ሴናተር 11 ዓመት እስራት ተፈረደባቸው።

በኢትዮጵያ ላይ ጫና እንዲደረግ የግብፅን ጥቅም ለማስጠበቅ ጉቦ የተቀበሉት የቀድሞው የኒው ጀርዚ ሴናተር ቦብ ሜኔንዴዝ የ11 ዓመት እስራት ተፈርዶባቸዋል።

ቦብ ሜንዴዝ የግብፅን ጥቅም ለማስጠበቅ የተለያዩ ጥሬ ገንዘቦችን እና የዓይነት ጉቦ መቀባላቸው በመረጋገጡ ነው እስራቱ የተፈረደባቸው።

በከፍተኛ ደረጃ የአሜሪካን ሕዝብ ከወከለ እንደሳቸው ዓይነት ካለ ሰው በማይጠበቅ መልኩ ሌላ ሀገርን በመርዳት 16 ክሶች የቀረቡባቸው ሜንዴዝ፤ ይህም ቢያንስ 15 ዓመታት ሊያስፈርድባቸው እንደሚገባ ዐቃቤ ሕግ ክርክር አቅርቦ እንደነበር የቢቢሲ መረጃ ያመላክታል።

በተለይም ከግብፅ መንግሥት የተቀበሏቸው ጥፍጥፍ ወርቆች፣ ጥሬ ገንዘብ እና መርሴዲስ ቤንዝ መኪና ለወንጀላቸው ማረጋገጫ ተደርገው ለፍርድ ቤት ቀርበዋል።

ሜንዴዝ በጠበቃቸው በኩል ቀለል ያለ የማኅበራዊ አገልግሎት ቅጣት እንዲጣልባቸው ቢጠይቁም ፍርድ ቤቱ ግን የ11 ዓመታት ጽኑ እስራት ፈርዶባቸዋል።

በተያያዘም ሜንዴዝን ከግብፅ መንግሥት ጋር በማገናኘት ወንጀል የተሳተፈ ዋኤል ሃና የተባለ ግብጻዊ-አሜሪካዊ ነጋዴም ከስምንት ዓመት በላይ እስራት እና የአንድ ነጥብ 25 ሚሊየን ዶላር ቅጣት ተወስኖባቸዋል ሲል ቢቢሲ ዘግቧል።