የማሕበራዊ ሚዲያ ተከታዮቹ ቁጥር 1 ቢሊዮን የደረሰው ክርስቲያን ሮናልዶ የአለምን ህዝብ ከማዝናናት አልፎ መገበያያ ገንዘብ መሆን ችሏል።
ፓርቹጋል ሰባት ዩሮ መገበያያ ገንዘቧ ላይ የክርስቲያኖ ሮናልዶን ምስል ማተም ጀምራለች። መጠሪያ ስያሜውም CR 7 ተብሏል።
በተጨማሪም ክርስትያኖ ሮናልዶ በተለያዩ ማሕበራዊ ሚዲያዎች ያሉት ተከታዮች ቁጥር 1 ቢሊዮን ደርሷል።
ይህ ቁጥር በፌስቡክ፣ ኢንስታግራም፣ትዊተር፣ ዩቲዩብ፣ እንዲሁም የቻይና ማህበራዊ ሚድያዎቹ በዌይቦ እና ኳኢሾ ያሉት አንድ ላይ ተደምረው ነው።
ተመሳሳይ ሰዎች በተለያዩ ማሕበራዊ ሚዲያዎች ስለሚከተሉት እንዲሁም የተወሰኑት ቦትስ በመባል የሚታወቁ ሐሰተኛ ገጾች በመሆናቸው 1 ቢሊዮን ግለሰቦች ይከተሉታል ማለት አይደለም። ይኹን እንጂ በፒፒ ፎርሳይት ማሕበራዊ ሚዲያ ኤክስፐርት የሆነው ፓውሎ ፔስካቶሬ፣ ሚዲያዎች እና ብራንዶች በትኩረት የሚከታተሉት “አጃሂብ የሚያሰኝ ቁጥር” መሆኑን ተናግሯል።
“የሚያስደንቅ ስኬት ነው፣ በተጨማሪ ደግሞ በሚድያው ላይ ያለውን ለውጥም ያሳያል”
በማሕበራዊ ሚድያ ላይ በርካታ ተከታይ ካሏቸው ዝነኛ ሰዎች መካከል ድምጻዊት እና ተዋናይ ሴሊና ጎሜዝ 690 ሚሊዮን፣ ድምጻዊ ጀስቲን ቢበር 607ሚሊዮን፣ እንዲሁም ድምጻዊት ቴይለር ስዊፍት 574 ሚሊዮን ተከታይ ነው ያሏቸው።
ቢቢሲ የተመለከታቸው ሌሎች ስመ ገናና የሆኑ አርቲስቶች ዘ ሮክ (557ሚሊዮን)፣ ካይሊ ጄነር (551 ሚሊዮን) እንዲሁም አርያና ግራንዴ (508 ሚሊዮን) ተከታዮች ነው ያሏቸው።
እንደ ፎርብስ መጽሔት ከሆነ የሮናልዶ አጠቃላይ ገቢ ከአትሌቶች ሁሉ ከፍተኛው ሲሆን 260 ሚሊዮን ዶላር ሆኖም ተመዝግቧል።
