ፕሮስቴት እጢ በወንዶች ፊኛ በታች የሚገኝ ተፈጥሯዊ የሰውነት አካል ነው ፡፡
በቅዱስ ጳውሎስ ሆስፒታል ዩሮሎጂ ትምህርት ክፍል ረዳት ፕሮፌሰር የሆኑት ዶ/ር መሀመድ አብዱልሀዚዝ ከፋና ብሮድካስቲንግ ኮርፖሬት ጋር ባደረጉት ቆይታ ÷የፕሮስቴት እጢ ዋነኛ ተግባር የዘር ፈሳሽ በማመንጨት ወደ ፊት ለፊት እንዲወጣ በማገዝ ለመራቢያነት ማገልገል እንደሆነ ተናግረዋል፡፡
የበሽታው መንስኤ ብለን የምንጠራቸው ምክንያቶች አብዛኛዎቹ ተፈጥሯዊ መሆናቸውንም ነው በቆይታቸው የገለጹት፡፡
እጢው በወንዶች ላይ ብቻ የሚገኝ እንደመሆኑ መንስኤው በጾታ ወንድ መሆን ሲሆን÷ እጢው ሊያድግ የሚችልባቸው ጊዚያቶችም አንደኛው ምክንያት አንድ ወንድ ለአቅመ አዳም ሲደርስ መሆኑን እና ሁለተኛው ምክንያት ደግሞ እድሜው በ50ቹ የእድሜ ክልል ውስጥ ሲገባ ነው ይላሉ፡፡
ሌላኛው መንስኤ ቤተሰብ ውስጥ በፕሮስቴት እጢ ምክንያት የጤና ችግር ያጋጠመው የቤተሰብ አባል ሲኖርም በዘር ምክንያት የመጋለጥ እድል እንደሚኖረውም ያነሳሉ፡፡
በተጨማሪም÷ አንድ በጾታ ወንድ የሆነ ሰው የስኳር ፣የደም ግፊት፣የኮሌስትሮል መብዛትና የክብደት ከመጠን በላይ መጨመር ካለ ተጋላጭነቱ ሊሰፋ እንደሚችል ገልጸዋል፡፡
የእጢው እድገት ችግር ላያመጣ የሚችልበት አጋጣሚ ብዙ ቢሆንም አንዳንድ ጊዜ ደግሞ የጤና ችግር በሚፈጥር መልኩ የሚያስቸግርበት አጋጣሚ እንደሚፈጠር ይጠቅሳሉ፡፡
የጤና ችግር የሚፈጠርበት ምክንያት የእጢው መገኛ የሽንት ፊኛ አንገት ላይ በመሆኑ የእጢው ማደግ ቀጥታ ከመሽናት ችግር ጋር ሊያያዝ ስለሚችል እንደሆነም ያስረዳሉ፡፡
የፕሮስቴት እጢ ምክንያት የሚመጣው የጤና ችግር የሚከተሉትን ምልክቶች እንዳሉት የሚገልጹት ዶ/ር መሀመድ ሽንት ለማጠራቀም መቸገር (ቶሎ ቶሎ መሽናት)፣ሲሸኑ የማቃጠል ስሜት መሰማት፣ለመሽናት መቸገር ፣ሽንት በደምብ ያለመፍሰስ፣ የሽንት መቆራረጥ የመሳሰሉት በዋነኝነት እንደሚጠቀሱ ገልጸዋል፡፡
የፕሮስቴት እጢ ቀላልና ከባድ ህመሞች የሚያስከትል ሲሆን÷ እንደ ችግሩ ሁኔታ መፍትሔውም የሚለያይ እንደሆነም ተናግረዋል፡፡
ቀለል ያሉ የፕሮስቴት እጢ ችግሮች በምክርና በክትትል ሊሻሻሉ የሚችሉ እንደሆኑ የሚገልጹት ዶ/ር መሀመድ ከበድ ያሉት ደግሞ የህክምና እገዛ የሚፈልጉ ማለትም በመድሃኒትና በቀዶ ጥገና ጭምር የሚታገዙ እንደሆኑ ያነሳሉ፡፡
እጢው ከበድ ያለ ህመም ወደ ማስከተል ደረጃ ደርሶ የህክምና ክትትል ካልተደረገ ግን እንደ የኩላሊት ስራ ማቆምና ወደ ሌሎች ውስብስብ ችግሮች ሊያመራ ስለሚችል ከላይ የተጠቀሱትን የህመሙ ምልክቶች የሚያሳይና በተለይ ደግሞ እድሜው በ50ቹ የእድሜ ደረጃ ላይ ያለ ወንድ የጤና ባለሙያ ሊያየው እንደሚገባም ይመክራሉ፡፡
FBC
- አስጨናቂዋን ሰዓት ወደ ደስታ የቀየረው የኢትዮጵያዊያን የሕክምና ባለሙያዎች ስኬትመነሻው ቀላል ነው፡፡ የሽንት ቧንቧ ኢንፌክሽን፡፡ “UTI” ይሉታል የጤና ባለሙያዎች፡፡ ለዚህ ምርመራ ነበር ታካሚዋ ጤና ጣቢያ የሄደችው፡፡ ቢሆንም ግን ከሽንት ቧንቧ ኢንፌክሽኑ ተጨማሪ… Read more: አስጨናቂዋን ሰዓት ወደ ደስታ የቀየረው የኢትዮጵያዊያን የሕክምና ባለሙያዎች ስኬት
- በ2018 ጓደኞቼ ዩኒቨርስቲ ይገባሉ፤ በድህነት ከተማ ሄዶ መማር ይልቻለው ታዳጊ ለቅሶ!“የአስረኛ ክፍል ተማሪ ነኝ። ላለፉት ሁለት ዓመታት ወደ ትምህርት ቤት አልሄድኩም። ትምህርት ባይቋረጥ ኖሮ በሚቀጥለው ዓመት ወደ ዩኒቨርሲቲ የምገባበት ጊዜ ነበር። ቤተሰቦቻቸው የገንዘብ… Read more: በ2018 ጓደኞቼ ዩኒቨርስቲ ይገባሉ፤ በድህነት ከተማ ሄዶ መማር ይልቻለው ታዳጊ ለቅሶ!
- “በጠለምት ወረዳ በዝናብ እጥረት ሳቢያ እንስሳት እየሞቱ ነው፤ ሕዝብ እየተሰደደ ነው”“ትርጉም አልባ” በሚባልና ሕዝቡን ባሰላቸ ጦርነት ሳቢያ አማራ ክልል ቁልቁል እየሄደ እንደሆነ ሕዝብ አደባባይ ወጥቶ እየተናገረ ነው። ዝርፊያ፣ እገታ፣ የመዘዋወር ማዕቀብ፣ የማዳበሪያና የተለያዩ… Read more: “በጠለምት ወረዳ በዝናብ እጥረት ሳቢያ እንስሳት እየሞቱ ነው፤ ሕዝብ እየተሰደደ ነው”
- ማርታ አምስት ቀን በላስቲክ ጀልባ በባህር – ደባርቅ፣ ጣሊያን፣ ኖርዌይ፣ አዲስ አበባ – የባከነ ሕይወትየዛሬ እንግዳችን አስከፊውን የሕገወጥ ስደት ገፅታ ታስቃኘናለች። ‹‹ሕይወታችንን የሚያሻሽልልን አንዳች ተዓምር እናገኛለን›› በሚል ቀቢፀ ተስፋ ባሕር ማዶን መናፈቅ ማቆም እንደሚገባን ልቦለድ ከሚመስለው የግል… Read more: ማርታ አምስት ቀን በላስቲክ ጀልባ በባህር – ደባርቅ፣ ጣሊያን፣ ኖርዌይ፣ አዲስ አበባ – የባከነ ሕይወት
- ጡት የሚያሳድጉ ኢምፕላንቶች ምን ስለሚያስከትሉ ነው ብዙ ሴቶች ከሰውነታቸው እያስወጧቸው ያሉት?የ32 ዓመቷ ዩክሬናዊት ካታሪና ክሩፒካ የጡቷን መጠን ለመጨመር በቀዶ ሕክምና የገባላትን ኢምፕላንት እንዳስወጣች በማኅበራዊ ሚዲያ ስትናገር በርካቶችን አስገርሟል። የሰውነትን ቅርጽ ወይም መጠን ለመለወጥ… Read more: ጡት የሚያሳድጉ ኢምፕላንቶች ምን ስለሚያስከትሉ ነው ብዙ ሴቶች ከሰውነታቸው እያስወጧቸው ያሉት?
