ሩሲያ ፡ አያድርገውና ሳታስበው በአሜሪካን ጥቃት ቢደርስባት ፡ መሪዎቿ በጅምላ ቢገደሉ ፡ ከተሞቿ በኒውክሊየር አረር ነደው እንዳልነበር ቢሆኑ ሞተውም ጠላቶቿን ሞታም ትብቀላለች
ኢትዮሪቪው | አሜሪካ በ1942 የኑክሌር መሳሪያ መያዟን ይፋ አድርጋ ከሶስት አመታት በኋላ የጃፓን ከተሞች ላይ ይህንን ቦምብ ስትጥል አለም በድንጋጤ ውስጥ ነበር ።
በወቅቱ ይህንን መቶሺዎችን ከፍ ሲልም ሚሊዮኖችን ሊያወድም የሚችል ቦንብ ባለቤት አሜሪካ ብቻ ነበረች ። ከአራት አመት በኋላ በ Aug1949 ደግሞ ሩሲያ የአለማችን ሁለተኛዋ የኑክሌር ቦምብ ባለቤት መሆኗን አሳወቀች ።
በዚያ አለምን ለሁለት ከፍሎ በነበረው የቀዝቃዛው ጦርነት ወቅት በተለይ ሁለቱ ሀገራት ከዛሬ ነገ ወደ ጦርነት ሊገቡ ይችላሉ ተብሎ በሚሰጋበት ጊዜ ሩሲያ ኑክሌር መያዟ በተወሰነ መልኩ መረጋጋትን ፈጥሮላት ነበር ። ሆኖም ግን ብዙም ሳይቆይ በሞስኮ ዘንድ ሌላ ስጋት ተፈጠረ ። ይህ ስጋት አሜሪካ አስቀድማ ሩሲያን በኑክሌር ቦምብ ብትመታስ የሚለው ስጋት ነው ።
እንደዛ ከሆነ ሁሉ ነገር ያበቃል ፡ አሜሪካ ቀድማ ሩሲያ ላይ የአቶሚክ ጥቃት ካደረሰች ሩሲያ እስከያዘቻቸው መሳሪያዎች ተረት ሆና ትቀራለች ።
ስለዚህ የሩሲያ የኒውክሊየር ጠበብት ለዚህ መፍትሄ ለመፈለግ ለአስር አመታት ያህል ቀን ከሌት ምርምራቸውን መቀጠል ነበረባቸው ።
በመጨረሻም ሩሲያ በ1985 dead hand ( Perimeter ) የተባለውን እስካሁንም ድረስ የምድራችን ብቸኛ የተባለ መሳሪያ ወይም ሲስተም ፈጠረች ።
ሩሲያ ፡ አያድርገውና ሳታስበው በአሜሪካን ጥቃት ቢደርስባት ፡ መሪዎቿ በጅምላ ቢገደሉ ፡ ከተሞቿ በኒውክሊየር አረር ነደው እንዳልነበር ቢሆኑ ፡ እንኳን ደሟን የሚበቀልላት ፡ ከሞተች በኋላ እንኳን ጠላቷን መግደል የምትችልበትን መሳሪያ በእጇ ያዘች ።
ይህ ያለሰው ማጥቃት የሚችል ፡ ሩሲያ ያስቀመጠቻቸውን የኒውክሊየር ሚሳይሎች ተኩሶ የጎዳትን የሚጎዳላት መሳሪያ ሌላ ጥቅሙ ጠላት በሩሲያ ላይ ሊወስድ የሚያስበውን እርምጃ እንዲመረምር ፡ ሩሲያን በኑክሌር ከማጥቃቱ በፊት ቆም ብሎ እንዲያስብ እና እጁን እንዲሰበስብ የሚያደርግም ነው ።
ሩሲያ ለደህንነቷ የሚያሰጋት ጉዳይ በሌለበት ወቅት የdead hand ቁልፎች OFF ሆነው የሚቆዩ ሲሆን ከሀገራት ጋር ውጥረት ውስጥ ገብታ ደህንነቷ አደጋ ላይ እንደሆነ ከጠረጠረች ይህ በጠበብቶቿ የተገነባውን ሲስተም ዝግጁ እንዲሆን ON ይደረጋል ።
እና አይበለውና ሩሲያ እንደገመተችው በኑክሌር ጥቃት ሲደርስባት በአስር ደቂቃዎች ውስጥ የዚህ መሳሪያ ጆሮም አፍንጫውም ስራ ይጀምሩና ፡ ኑክሌር ሲተኮስ የሚታዩ ምልክቶችን መመርመር ይጀምራል ። አውዳሚ የሆነው የኑክሌር መሳሪያ እጅግ አደገኛ በመሆኑ የሆነ ሀገር ላይ ቢጣል ከፍተኛ የሆነ የመሬት መንቀጥቀጥ ይፈጥራል ።
ሌላው ከፍተኛ የሆነ የብርሀን ጨረር ነው ። ይህ ጅምላ ጨራሽ ቦንምብ ወደ መሬት በሚወድቅበት ሰአት ለሰከንድ ፀሀይ ከምትፈጥረው ብርሀን የሚስተካከል ታላቅ የጨረር ብልጭታ ይከሰታል ። ይህ ለሰከንድ የሚፈጠረው ብልጭታ ሌላው ለDead hand ምልክት የሚሰጠው ነገር ነው ። የኑክሌር ቦንብ ሌላው መታወቂያ ከፍተኛ የሆነ የአየር ግፊትና ሀይለኛ የሆነ ጨረር መለቀቅ ነው ።
በተጨማሪም ፡ ኑክሌር ሲፈነዳ ብቻ የሚከሰቱ እንደ ሀይለኛ የፍንዳታ ድምፅ ፡ ሰው አልባ ሆኖ ፍፁም ፀጥታ የሰፈነበት ድባብ እና የመሳሰሉትን የምፅአት ምልክቶች እንደተከሰቱ ካወቀ በኋላ ሩሲያ ለዚህ ቀን ብላ ያዘጋጀችው dead hand የመጨረሻ ማረጋገጫ የሆኑትን ነገሮች ይፈልጋል ።
በሩሲያ ቤተመንግስት ላሉ ሰወች እና ወደ ዋናው ማዘዣ ጣቢያ ያሉ ሃላፊዎችን ለማግኘት ይሞክራል ፡ ግን የተተኮሰው ማንንም የማያስተርፈው ኑክሌር ነውና ማንንም ማግኘት አይችልም ።
በዚህ ጊዜ የሩሲያ ደም-መላሽ ፡ ነገሮችን እንዳልነበር ከሚያደርገው እርምጃ ውስጥ ቀዳሚ የሆነውን ሚሳይል በመተኮስ ይጀምራል ። ይህ ሚሳይል በውስጡ ምንም ቦምብ የለም ። ይህ ሚሳይል የያዘው አንድ የሲግናል መልእክት ብቻ ነው LAUNCH የሚል አንድ ቃል ።
ይህ በሩሲያ ሰማይ ላይ ርቆ የተተኮሰ ሚሳይል ሩሲያ ያሏትን በሺህ የሚቆጠሩ ሚሳይሎች እንዲተኮሱ ትእዛዝ የሚሰጥ ነው ። ልክ በዚህ ጊዜ በየቦታው የኑክሌር ቦንብ ይዘው ከምድር ስር የተቀበሩት ትላልቅ አገር አቋራጭ ሚሳይሎች የሚገኙበት ባንከር የብረት በሮች ይከፈታሉ ።
በሩሲያ ውስጥ እና በተለያዩ ባህሮችና ውቅያኖሶች ውስጥ ያሉ የሩሲያ ሰርጓጅ መርከቦች ፡ እንዲሁም በተለያየ ቦታ ፡ ያሉ ኑክሌር የጫኑ ሚሳይሎች ከdead hand ሲስተም LAUNCH የሚለው ትእዛዝ እንደደረሳቸው ትእዛዙን መፈፀም ይጀምራሉ ።
በሩሲያ ላይ ጥቃት በተሰነዘረ በአስር ደቂቃ ውስጥም ፡ ቀደም ሲል ኢላማ በተደረገባቸው ሀገራት ያሉትን ከተሞች ፡ ወታደራዊ ሰፈሮች ፡ እና መመታት አለባቸው ተብሎ የተወሰኑ ቦታዎች ላይ ልክ ሩሲያ ላይ የተጣለው አይነት የኑክሌር አረር የያዙ ቦንቦችን ማዝነብ ይጀምራሉ ።.በጠላት ኑክሌር ቦምብ የወደመችው ሩሲያ ሞታም ጠላቶቿን በDead hand በኩል በዚህ መልኩ ትበቀላለች ።
በምድር ላይ በዚህ መልኩ ሀያል ስትሆን ብቻ ነው ጠላት እንኳን ሊያከብርህ የሚችለው ፡ ልክ እንደ ሩሲያ ። ባለፈው ሰሞን የቀድሞ የሩሲያ ፕሬዝደንት ዲሚትሪ ሜድቬዴቭ ለትራምፕ ያስታወሱት ይህንን ነው ። ሩሲያ የዚህ ሲስተም ባለቤት መሆኗን መዘንጋት አይገባም ነበር ያሉት ።
Via Wasihun Tesfaye
